Concello de Verín

 Esta mañá, a Casa do Concello de Verín acolleu a Mesa de Comercio Local coa finalidade de valorizar e promover o comercio de proximidade na vila.

 Segundo confirman desde a Biblioteca Municipal do Concello de Verín, as actividades organizadas dentro da iniciativa “Venres de Conto” terán lugar ás 20:00, en lugar das 21:00 horas, na rúa Irmans la Salle.

 A VI edición do FIC Vía XIV de Verín acollerá a proxección da webserie Os tempos mortos do Führer, un proxecto nado en Ourense e rodado en lingua galega, cuxo teaser foi filmado no Retiro do Conde, en Vilaza (Monterrei). A webserie pretende ofrecer respostas ao espectador, en clave de ficción, sobre todo aquilo que ocupaba a Hitler nos seus ratos libres máis íntimos.

O Museo de Verín acolle ao longo do mes de agosto a exposición “Emerxencia climática: feitos e datos”, unha exposición cedida polo CEIDA - Centro de Extensión Universitaria e Divulgación Ambiental de Galicia  para achegar información científica contrastada que nos permita argumentar, debater e crear conciencia da necesidade de actuar ante a grave crise climática que estamos a vivir.

Sabías que Galicia conta co seu propio candidato a Santo Grial? Coñeces o ritual oficial do Cabildo compostelán para purificar a catedral de Santiago logo dunha pelexa de peregrinos? Estas e moitas outras curiosidades do Camiño de Santiago e a súa relación co viño son o obxecto da exposición "O viño nos camiños de Santiago", que permanecerá visitable no Museo do Claustro Mercedario ata outubro.