Concello de Verín

 O Concello de Verín vén de rematar as obras de mellora de camiños municipais de acceso a parcelas agrícolas no núcleo rural de Tamaguelos, actuación acometidas grazas ao importe subvencionable previsto no "Plan de mellora de camiños municipais de acceso a parcelas agrícolas 2020-2021” da Axencia Galega de Desenvolvemento Rural (AGADER).

 O Concello de Verín vén de rematar a primeira fase do plan especial de limpeza e desbroce das marxes do río Támega, que abarcou os tramos comprendidos desde a ponte de Pazos ata nova ponte en construción situado en Queizás; e entre a área recreativa de Tintores e a ponte da N-525 ao seu paso por Verín. Acondicionáronse un total de 480.000 metros cadrados de espazo fluvial.

 A concelleira de Recursos Humanos e Réxime Interior, Rosario Rodríguez anunciou esta mañá que as piscinas públicas descubertas do complexo deportivo da Granxa abrirán o vindeiro xoves, 1 de xullo. Ao igual co ano pasado a reapertura realizarase coas pertinentes modificacións no seu uso, destinadas a garantir a seguridade dos seus usuarios e usuarias e atendendo ás actuais indicacións sanitarias.

Como cada 28 de xuño, celébrase o recoñecemento formal dos dereitos das persoas lesbianas, gais, bisexuales, transexuales e intersexuales. Facémolo en conmemoración dos disturbios de Stonewall (Nueva York), xeralmente coñecidos como o catalizador do movemento pro-dereitos LGTBI en EEUU e no resto do mundo. Estes dereitos fundaméntanse en valores universais e democráticos como a igualdade, o respecto, a diversidade e a liberdade.

O Auditorio de Verín acolle este sábado, día 26 de xuño, ás 19:00 horas a presentación do libro “Mitades” de Fernando Barreira, onde o artista multidisciplinar nos retrata a súa intensa traxectoria creativa e percorrido persoal ao longo de máis de 40 anos.