Concello de Verín

Este sábado 26 de outubro, ás 20:00 horas, o Museo do Claustro Mercedario acollerá o inicio do ciclo de conferencias "Do Viño de Galicia 2019" do Museo do Viño de Galicia, en colaboración coa D.O Monterrei. Terá como título "O viño de Monterrei na Idade Media", que estará impartida polo profesor titular de Historia Medieval da Universidade de Santiago de Compostela, José Miguel Andrade Cernadas.

A Agrupación Europea de Cooperación Territorial (AECT)  Eurocidade  Chaves-Verín presentou no Congreso Internacional de Benestar “ Waves  of  Innovation” en Barcelona os Plans Bio-Saudables  Verin- Chaves- Vidago.

O adegueiro de Verín José Luis Mateo, un dos máis premiados da DO Monterrei, ven de materializar a cesión dun pipote carreteiro ao Museo do Claustro Mercedario, para a súa exposición no contexto da cultura enolóxica da comarca. “Temos que contar entre todos a historia do noso viño”, sinalou o cedatario, que  oficializou onte o trámite co alcalde, Gerardo Seoane.

Os responsables do Festival Internacional de Curtas de Verín pechan nestes días os últimos flecos da selección oficial do certame que, de momento, conta con máis de 50 pezas seleccionadas de case unha vintena de nacionalidades diferentes. As curtas serán exhibidas no marco de catro categorías diferenciadas, ao igual que outros anos: Outra Mirada, Horizontes, A Raia e Nova. Establécese un premio en cadansúa categoría de 750 euros, e outro adicional do público, cunha contía de 600 euros.

Durante os días 25, 26 e 27 de outubro,  o Cinema Municipal de Verín acolle a proxección da película “Padre no hay más que uno” no Salón de Actos da Casa da Cultura nos seguintes horarios: