Concello de Verín

Un veciño de Verín, Eloi Domínguez, cuxa familia mantiña en propiedade os derradeiros raís do tranvía de Cabreiroá que se conservan, ven de formalizar a súa doazón no Museo Claustro Mercedario, para o seu aproveitamento histórico na vila. O Concello instalaraos na súa localización orixinal, para lembrar aquela infraestrutura que unía cun tranvía de tracción animal a vila de Verín co balneario de Cabreiroá.

Dende mañá martes 29 de outubro, ata o 23 de novembro, estará aberta ao público a mostra “Fragmentos da Natureza” na Sala de Exposicións de Verín. O fotógrafo Brais Seara (Allariz, 1981) presenta unha visión da natureza en estado puro, con atención a cada especie ou paisaxe.

Cada humano percibe o mundo dunha forma completamente diferente. Unha contorna cambia en segundos: luces, cores, formas… a expensas da mirada.

Mañá venres 25 de outubro a Biblioteca Municipal Verín celebra, un día despois do día oficial para que coincida en venres,  o “Día das Bibliotecas” cunha xornada de contacontos e manualidades.

A historia está chea de grandes oportunidades, que ás veces chegan dacabalo das grandes desgracias. Así se puxo de relevancia na primeira xornada de “Do Viño 2019”, organizada polo Museo do Viño de Galicia e a Denominación de Orixe Monterrei sobre “O viño en Monterrei na Idade Media”, celebrada na tarde do sábado no Museo do Claustro Mercedario de Verín.

Esta mañá, Emilia Somoza, concelleira de Educación, Cultura e Festexos presentou a programación da quinta edición da “Noite de Medo”, que terá lugar o 31 de outubro para celebrar o Samaín en Verín. Este ano, o prato forte será a posta en escena do espectáculo "Errantes", que  a compañía Troula Animación interpretará polas rúas de Verín a partir das  23:00 horas. Os máis pequenos tamén  poderán gozar  na  Praza García  Barbón, a partir dás 18:00 horas, de  terroríficos obradoiros temáticos.