Concello de Verín

O Festival Internacional de Curtas de Verín, FIC Vía XIV, pechou a súa cuarta edición “cun balance positivo” en termos de público e convocatoria, tal e como sinala o seu director, Carlos Montero. Logo de analizar as cifras de asistencia e participación, Montero destaca que se aumentou o número de persoas que acudiu a algunha das proxeccións dentro do concurso oficial, tanto no Auditorio coma na Casa de Cultura. “Fronte a cifra de 1.100 asistentes do ano pasado, neste 2019 o cómputo global indica que foron 1.240 as persoas que visionaron algún dos bloques de curtas”, enfatiza Montero.

O vindeiro venres 13, ás 19:30 horas, a Biblioteca do Concello de Verín acolle a presentación simultánea das obras “O alén dos barqueiros” de Anxo Muiños e “Un otoño en la pajarera” de Mónica Graña. O ensaio e a poesía estarán representados por devanditos autores nunha presentación sobordante de orixinalidade.

A axenda de actividades de Nadal está composta por  máis dunha decena de propostas culturais e de lecer para todos os públicos; entre os que se inclúen  concertos, teatro,  obradoiros, mercados e  feiras específicas, actividades para os centros de  maiores, actividade diaria na Ludoteca (para conciliar a vida familiar e laboral), iniciativas sociais e comerciais, xunto  coa tradicional cabalgata de Reis.

Do  programa do Nadal, que se pode consultar na páxina web do Concello e que será  distribuído polos diferentes centros municipais e establecementos comerciais e hostaleiros da vila, caben destacar as  seguintes actividades:

Durante os días 13, 14 e 15 de decembro, o cinema municipal de Verín acolle as proxeccións das películas “Frozen 2” e “El Silencio de la Ciudad Blanca” no Salón de Actos da Casa da Cultura nos seguintes pases:

O Festival Internacional de Curtas de Verín, FIC Vía XIV, pecha a súa cuarta edición tras unha semana na que se proxectou unha programación “de grandísima calidade”, tal e coma sinalou o director do certame, Carlos Montero, na gala de clausura celebrada esta noite no Auditorio de Verín.  “Que acertamos coa nosa programación é un feito incontestable”, manifestou Montero e engadiu que “moitas das pezas exhibidas este ano recibiron premios a nivel nacional e internacional”. “Este ano tivemos na programación, ademais, dúas obras nominadas aos Goya 2020 e incluso estivo entre nós un dos directores nominados David Fidalgo”, abundou.