Concello de Verín

Dezaseis mulleres con discapacidade da comarca de Verín participan desde finais de setembro no Programa de Empoderamento e Activación para o Emprego. Este Programa xorde da colaboración entre o  Concello de Verín,  a Obra social La  Caixa e a Confederación Estatal de Persoas con Discapacidade Física e Orgánica ( COCEMFE) e ten como obxectivo fomentar o empoderamento e conseguir a integración sociolaboral das mulleres con discapacidade.

O Museo Claustro Mercedario de Verín acolle, o vindeiro mércores, 13 de novembro, un dos actos principais das “Jornadas de Sostenibilidad del Camino de Santiago en la  Vía de la Plata”.  Dito proxecto busca dar a coñecer as oportunidades da cooperación e comercialización para fomentar a promoción do produto turístico da Vía da Prata, todo dende unha perspectiva sostible e combinando patrimonio, natureza, enoloxía e gastronomía.

O día 16 de novembro, a Asociación para a defensa do Patrimonio Cultural Galego (APATRIGAL) escolle Verín para realizar a actividade “O Mundo balneario de 1906, o soño modernista de García Barbón e Vázquez Gulías” un conxunto de visitas guiadas nas que asistentes poderán visitar os fermosos edificios e espazos construidos por estes dous visionarios.  Devandita iniciativa e posible grazas á xenerosa colaboración dos propietarios, de Cabreiroá así como do Concello de Verín, do Colexio Oficial de Arquitectos de Galicia (COAG-Ourense) e do Museo Virtual Daniel Vázquez-Gulías.

O pavillón deportivo de Verín acollerá o vindeiro 5 de decembro a Changana Cuba Jam Party, unha actividade musical que combinará música electrónica cubana a cargo do coñecido DJ Joyvan Guevara Díaz e percusión por parte de Williams Richart Cardoso, tamén procedente de Cuba. “Trátase dunha animada sesión musical que chega ata a nosa vila como unha acción enmarcada dentro da axenda de ocio e de lecer que estamos a promover dende a organización do Festival de Curtas”, destaca Carlos Montero, director do certame.

A Agrupación Europea de Cooperación Territorial  Eurocidade  Chaves- Verín foi convidada pola Dirección Xeral de Política Rexional da Comisión Europea a presentar no evento  Boosting Cros- Border  Regions  through  better  Transport (Impulsando as rexións transfronteirizas a través dun mellor transporte) o traballo desenvolto pola institución no ámbito do transporte transfronteirizo.