Concello de Verín

 O salón de plenos do Concello de Verín acolleu hoxe, 31 de outubro, unha sesión extraordinaria urxente na que se abordaron os seguintes puntos:

 1.RATIFICACIÓN DA URXENCIA DA CONVOCATORIA

2. APROBACIÓN DA ACTA DA SESIÓN  EXTRAORDINARIA DE DATA

21.10.2019

3. Expediente 3812/2019. APROBACIÓN DA CONTA XERAL DO ORZAMENTO 2017

4. Expediente 4239/2019. Modificación de Crédito

5. Expediente 4479/2019. Modificación de Crédito

O  Concello de Verín pospón a Feira de Outono programada para os días 9 e 10 de novembro debido á previsión de inclemencias meteorolóxicas. O evento se  trasladará ao 7 e 8  de decembro, unificándoo coa Feira de Nadal.

Durante os días 1, 2 e 3 de novembro,  o Cinema Municipal de Verín acolle a proxección da película “Malefica: maestra del mal” no Salón de Actos da Casa da Cultura nos seguintes horarios:

• 01-11-19: 19:30 e  22:00 h

• 02-11-19: 17:00, 19:30 e 22:00 h

• 03-11-19: 17:00, 19:30 e 22:00 h

Un veciño de Verín, Eloi Domínguez, cuxa familia mantiña en propiedade os derradeiros raís do tranvía de Cabreiroá que se conservan, ven de formalizar a súa doazón no Museo Claustro Mercedario, para o seu aproveitamento histórico na vila. O Concello instalaraos na súa localización orixinal, para lembrar aquela infraestrutura que unía cun tranvía de tracción animal a vila de Verín co balneario de Cabreiroá.

Dende mañá martes 29 de outubro, ata o 23 de novembro, estará aberta ao público a mostra “Fragmentos da Natureza” na Sala de Exposicións de Verín. O fotógrafo Brais Seara (Allariz, 1981) presenta unha visión da natureza en estado puro, con atención a cada especie ou paisaxe.

Cada humano percibe o mundo dunha forma completamente diferente. Unha contorna cambia en segundos: luces, cores, formas… a expensas da mirada.