Concello de Verín

O alcalde de Verín, Gerardo Seoane, presentou esta mañá, na casa consistorial, dúas importantes medidas enfocadas á rehabilitación e valorización do Casco histórico de Verín: un plan de rehabilitación de fachadas do Casco histórico e un convenio de colaboración coa diocese de Ourense para reordenar a contorna da Igrexa Santa María a Maior de Verín.

O concello de Verín abre hoxe o prazo de inscrición para os seus cursos deportivos infantís.

Este mes de outubro, “Verín Hacklab” retoma o seu  laboratorio tecnolóxico. Coma sempre, as xornadas impartiranse, na Aula ceMIT da Casa da Xuventude do Concello de Verín, todos os  venres (en dous grupos de 16:00 a 18:00 horas e de 18:00 a 20 :00 horas) e os sábados (en dous grupos de 11:00 a 13:00 horas e de 17:00 a 19:30 horas).

Maña xoves 1 de outubro, as 16:00 horas, comeza, dentro da iniciativa Escola de Familia, o Club da Calceta 'Tecendo Soños'. Esta iniciativa está destinada a converterse nun lugar de encontro entre as persoas interesadas en compartir a arte de tecer e outras artes (ganchillo, decoración de tellas, alfombras, lectura, etc.). Nesta ocasión daralles a benvida a tódalas participantes José Luis Martín, Concelleiro da Área de Sanidade, Servizos Sociais e Igualdade.

Durante todo o mes de outubro a Biblioteca Municipal de Verín celebrará o día Internacional da Biblioteca (24 de outubro) cun completo ciclo de actividades de contacontos, manualidades, talleres, conferencias e presentacións de libros.