Concello de Verín

Encallados, primeira longametraxe do director Alfonso Zarauza (Los fenómenos),  proxectarase mañá día 19, ás 20:00 horas, na Casa da Cultura. Con este filme comeza a  programación verinesa de outono de Cinemas de Galicia. A película está autorizada para maiores de 12 anos e o prezo da entrada será de 3 euros.

Para conmemorar o día do Alzhéimer (21 setembro), dende a área de maiores dos Servizos Sociais Comunitarios de Verín e grazas a colaboración do grupo teatral "La caja de Pandora", , terá lugar no Salón de Actos da Casa da Cultura do Concello de Verín, as 20:30 horas, a representación da obra teatral "Perseguindo un soño"

MÁIS INFORMACIÓN NA WEB DA EUROCIDADE

Esta mañá, o tenente de alcalde, Diego Lourenzo Moura, e o Director de Adiccag  (Asociación para a Divulgación da Cultura da Cervexa Artesá), Pablo Casanova, presentaron, na casa consistorial, o programa do I Festival da Cervexa Artesá e de Artesanía Medieval, organizado por Adiccag e o Concello, que se celebrará en Verín os días 18, 19 e 20 de setembro.

Desde  o día 19 de setembro até o domingo día 22 de novembro o Concello verinés proxectará, dentro da programación de Outono en Verín do circuíto de exhibición cinematográfica Cinemas de Galicia, seis películas na Casa da Cultura. Así o confirmaron esta maña a concelleira de Cultura, Emilia Somoza, e o Tenente de Alcalde, Diego Lourenzo, na presentación da programación cinematográfica que tivo lugar casa consistorial de Verín.