Concello de Verín

Tras as melloras efectuadas na Casa do Escudo de Verín co obxecto de para convertela, única e exclusivamente, nun albergue de peregrinos da Vía da Prata, desde a Axencia do Turismo de Galicia confirmouse o inicio da segunda fase de rehabilitación da mesma para os vindeiros meses.

O alcalde de Verín, Juan Manuel Jiménez Morán, anunciou esta mañá as actuacións logradas polo actual grupo de goberno e que se iniciarán nas vindeiras semanas, entre as que se atopan a mellora da rede de abastecemento de Vilamaior, ampliación da ponte de Pazos sobre o río Támega, conclusión da Ecovía do Támega, mellora da rede de saneamento no polígono de Pazos para solucionar os problemas de desbordamentos na EDAR do municipio, construción dunha rotonda de acceso ao parque empresarial de Pazos e remodelación dos accesos as vivendas do grupo 1º de Maio.

O xoves 18 de xuño, de 18 a 19.30 horas, a Biblioteca Pública Municipal de Verín promove unha sesión de contacontos e manualidades “moi doces”, no marco da programación de actividades destinadas ao fomento da lectura e dinamización da instalación municipal.

Durante os meses de xullo e agosto, a Escola de Familia Municipal programa a iniciativa lúdica 'Kero-Verán', destinada a menores con idades comprendidas entre os 2 e 4 anos  -os/as nenos/as non escolarizados deberán acudir obrigatoriamente cun adulto-.

Un ano máis, o destino Chaves-Verín participará na Mostra de Turismo das Cidades do Eixo Atlántico 'Expocidades', conformada polos municipios integrantes da Eurorrexión, e que nesta edición terá lugar do 19 ao 21 de xuño na localidade lusa de Viana do Castelo.