Concello de Verín

O vindeiro venres 05 de xuño, de 18 a 19.30 horas, a Biblioteca Pública Municipal de Verín programa a iniciativa ‘O ladrón de plumas’, no marco da programación de actividades destinadas ao fomento da lectura e dinamización da instalación municipal.

Coa chegada do verán aumenta o risco de incendios forestais no noso Concello considerado como un dos concellos de "alto risco". É de máximo interese para todos os veciños de Verín que as fincas, montes e soares existentes no Concello se atopen nun axeitado estado de limpeza e coa masa vexetal desbrozada. Se ben este é un deber que teñen os propietarios de terreos durante todo o ano, nestas datas cobra unha especial relevancia perante o risco de incendios.

Aos residentes nas rúas Amaro Refoxo, Cruz e treito dende a praza Maior á rúa Maior (até a Igrexa Parroquial), na medida do posible, se absteñan de utilizar o vehículo polas referidas rúas, dende as 22:00 horas do 6 de xuño até as 14:00 horas do día 7; todo isto con motivo da celebración da festa do Corpus e alfombrar con flores as devanditas rúas para esta festividade relixiosa.

A Ruta do Viño Monterrei, promovida pola Axencia de Turismo de Galicia, organizará este fin de semana as IV Xornadas de Portas Abertas, coa colaboración da Agrupación Europea de Cooperación Territorial Chaves-Verín e a Oficina de Turismo do Concello de Verín.

A AECT Eurocidade Chaves-Verín, conxuntamente co Município de Chaves e o Concello de Verín, conmemorarán o Día Mundial do Medio Ambiente, o vindeiro 05 de xuño, coa realización da 1ª Baixada Transfronteiriza e Andaina polo río Támega no Día Mundial do Medio Ambiente.