Concello de Verín

O Consello da Xunta autorizou o convenio de colaboración entre a Consellería de Medio Ambiente, Territorio e Infraestruturas e o Concello de Verín para o financiamento da redacción do Plan especial de protección e reforma interior do núcleo Histórico e do Barrio de San Lázaro (PEPRICH). En virtude desta colaboración, a Consellería de Medio Ambiente destinará un total de 110.338 euros.

Desde o departamento de Desenvolvemento Local do Concello de Verín infórmase da publicación da resolución do 10 de abril de 2015, do Instituto Galego de Promoción Económica, pola que se procede á publicación dos requirimentos de emenda das axudas de apoio ás iniciativas abertas de difusión, cofinanciadas polo Fondo Social Europeo, no marco do programa operativo FSE Galicia 2007-2013. Máis información no seguinte enlace.

As instalacións deportivas do complexo de A Granxa e a Piscina Climatizada de Verín son, desde principios de semana, zonas cardioprotexidas con desfibrilador externo semiautomático (DESA) e persoal autorizado para a utilización do mesmo.

Durante os días 22 e 23 de abril, a aula CeMIT de Verín acollerá a realización do obradoiro 'Creando unha web autoxestionable para a vosa cooperativa', enmarcado dentro do programa de actuación 2015 da Rede Eusumo.

Nas dúas últimas xornadas, corenta alumnos/as de 1º de Primaria do CEIP Princesa de España visitaron a Biblioteca Pública Municipal de Verín, dentro do programa de actividades organizadas ao longo do curso escolar por esta instalación.