Concello de Verín

O complexo deportivo de A Granxa acollerá na xornada de mañá, 11 de abril, o Torneo Prebenxamín Fútbol Sala 2015 no que participarán equipos procedentes da xeografía provincial, como EM Celanova, Topaxe FS, Viana FS, Pazo Tizón/Carballiño, ED Ourense, EDC Verín A e EDC Verín B.

A casa consistorial de Verín acolleu a presentación da V Mini Trail-Andaina 'Pozo do Demo', que terá lugar o domingo 19 de abril, e que está organizada polo Concello de Verín e a Asociación de Sendeirismo Ruta das Augas.

O vindeiro luns 13 de abril, a caravana de 'Os Bolechas' estará na praza García Barbón de Verín dentro da proposta de dinamización para o público infantil Os Bolechas van a Ourense, que percorre ao longo dos próximos días nove municipios da provincia de Ourense, entre os que se atopa a vila de Verín.

Desde o departamento de Desenvolvemento Local do Concello de Verín infórmase da publicación da resolución do 21 de marzo de 2015, de ICEX España Exportación e Investimentos, pola que se convoca para 2015 a concesión de axudas a través do Programa ICEX-NEXT de apoio á internacionalización da PEME española non exportadora ou exportadora non consolidada. Preinscrición anta o 31-12-2015. Máis información no seguinte enlace.

Dende o Concello de Verín promóvese a realización das cuartas xornadas de fotografía, na especialidade de iniciación, durante o fin de semana do 11 e 12 de abril.