Concello de Verín

A casa consistorial de Verín acolleu, esta mañá, unha reunión entre o alcalde de Verín, Juan Manuel Jiménez Morán, a conselleira de Medio Ambiente, Territorio e Infraestruturas, Ethel Vázquez, e o presidente da Confederación Hidrográfica do Douro, José Valín Alonso, na que se anunciou que este mes se iniciarán as obras de mellora da Estación de Tratamento de Auga Potable (ETAP) de Verín, destinadas a incrementar a eficacia do tratamento das augas, co que se solucionarán os problemas de turbidez que se veñen producindo, sobre todo en época de chuvias, xa que se colmatan os filtros da estación.

O Concello de Verín, a través da Escola de Familia municipal, pon en marcha o proxecto infantil 'Kero-Informátika', destinado a menores con idades comprendidas entre os 4 e os 10 anos, no que comezarán a familiarizarse cos recursos educativos que ofrece o mundo virtual.

Máis de cen alumnos/as do IES Taboada Chivite de Verín, coa colaboración do Concello de Verín, representarán os días 12 e 19 de setembro, no Pavillón Municipal de Deportes da localidade, o musical ‘Moulin Rouge’.

Na xornada de hoxe, os/as menores da Ludoteca de Verán - Campamento Urbano, organizada pola Oficina Municipal de Información Xuvenil do Concello de Verín, fixeron entrega dos 1.500 euros recadados na campaña solidaria "Valeria, a túa loita é a nosa loita", realizada co obxecto de acadar fondos para o tratamento de rehabilitación neurolóxica de Valeria De Dios, unha pequena verinense de catro anos que padece unha ataxia cerebelosa non filiada.

A casa consistorial de Verín acolleu esta tarde a entrega de diplomas, por parte do alcalde de Verín, Juan Manuel Jiménez, aos/ás rapaces/zas voluntarios da Bibliopiscina pola súa  labor de voluntariado neste servizo das piscinas descubertas de A Granxa.