Concello de Verín

O vindeiro domingo 17 de agosto, a praza do Concello de Verín acollerá a saída da iniciativa solidaria '1.000 Km non stop por Valeria', realizada polo ciclista sudafricano Clinton Sumner.

Os días 21 e 22 de agosto, Macedo dos Cavaleiros acolle a edición número catorce do Festival Internacional de Música Tradicional. Cigarróns e a Banda de Gaitas do Concello de Verín está previsto que participen nas actividades de animación de rúa vespertinas e nocturnas previas ao comezo dos concertos.

Os equipos ‘Los Chepos', 'Sin Nombre' 'Los Jugones' e 'Brasil' acadaron os primeiros postos, nas súas respectivas categorías (infantil, alevín, benxamín e prebenxamín), na sexta edición do Campionato de Fútbol 3 x 3, organizado polas Escolas Deportivas e área de Xuventude, Deporte e Festexos do Concello de Verín.

A Asociación Monteval GDR-13, coa colaboración do departamento de Desenvolvemento Local do Concello de Verín, promove a realización do proxecto formativo 'NoRProS' (Novos retos produtos de sempre), que se desenvolverá ao longo das vindeiras semanas.

Desde Desenvolvemento Local do Concello de Verín infórmase da publicación resolución do 8 de agosto de 2014, da Secretaría Xeral da Igualdade, pola que se establecen as bases reguladoras das axudas do programa Emega para fomento do emprendemento feminino, cofinanciadas polo FSE, e se procede á súa convocatoria para o ano 2014 (SI429A).