Concello de Verín

A praza da Alameda de Verín será escenario mañá, 01 de maio, da tradicional celebración da 'Festa dos Maios', na que está prevista a realización de actividades como: exhibición dos maios tradicionais e artísticos, torneos de chave e petanca, actuación da Banda de Gaitas do Concello de Verín e o espectáculo 'O Titiricircus' da compañía Títeres Tanxarina.

Para celebrar o 25 aniversario do Titiricircus, a compañía Tanxarina Títeres traerá de novo a Verín este espectáculo de marionetas de fío e actores do que se levan realizado máis de 1000 funcións e que se presentou en festivais de referencia en América, África e Europa. O acto, organizado polo Concello de Verín, e patrocinado en conxunto coa Consellería de Cultura a través do programa Cultura no Camiño, celebrarase no parque da Alameda o día 1 de maio ás 12 horas.

O club EDC Verín Atletismo participou na cuarta edición do circuito “Correndo por Ourense”. A nutrida expedición atlética verinense contou tamén coa participación de varios deportistas que pertencerán ao club na próxima tempada, pero que xa están a acompañar á sección de atletismo nalgunhas probas deste ano co obxecto de reforzar a súa aprendizaxe.

O xoves día 1 de maio, como xa é habitual nas últimas décadas, a praza da Alameda de Verín acollerá a Festa dos Maios.

Tres serán as iniciativas culturais e musicais que chegarán a Verín da man do programa 'Cultura no Camiño' (organizadas polo Concello de Verín e patrocinadas conxuntamente coa coa Consellería de Cultura a través deste programa) co obxecto de conmemorar o oitavo centenario da peregrinación de San Francisco de Asís a Santiago de Compostela, ademais de ofertar un calendario cultural e e de lecer aos/ás verinenses.