Concello de Verín

Desde Desenvolvemento Local do Concello de Verín infórmase da publicación da resolución do 10 de abril de 2014, da Axencia Galega das Industrias Culturais, pola que se aproban as bases de subvencións á produción escénica e se convocan para o ano 2014.

O Fondo Galego de Cooperación convoca a segunda edición do certame ‘Imaxes con Fondo’ para convidar á reflexión arredor da solidariedade e da nosa responsabilidade na construción dun mundo máis xusto. Na categoría de persoas adultas, o primeiro premio será unha viaxe a Nicaragua co fin de realizar un traballo fotográfico sobre os proxectos apoiados pola entidade organizadora no país centroamericano. A sección xuvenil, dirixida a mocidade de entre 14 e 17 anos, está dotada cunha cámara réflex. En ambos os dous casos, o segundo posto recoñecerase cunha cesta de produtos de comercio xusto e o terceiro cun lote de películas de temática social.

O activista e investigador social Tom Kucharz, membro da Secretaría Confederal de Ecoloxistas en Acción, é o convidado do Fondo Galego de Cooperación e Solidariedade no novo encontro dixital #Alén2015 programado para este mes. A cita terá lugar o vindeiro venres 25 de abril a través dos perfís de Facebook (facebook.com/fondogalego) e Twitter (@FondoGalego) da organización. A actividade desenvólvese na semana en que se conmemora o Día Internacional da Nai Terra, que se celebrou onte martes 22.

O Concello de Verín, a través da Escola de Familia Municipal, promove a realización do programa de alfabetización de persoas adultas 'Se queres, podes' na localidade.

Desde Desenvolvemento Local do Concello de Verín infórmase da publicación da resolución de 25 de marzo de 2014, da Secretaría de Estado de Educación, Formación Profesional e Universidades, pola que se convocan os premios do XXVII Certame "Mozos Investigadores" para 2014.