Concello de Verín

A Eurocidade desenvolveu un programa de intercambio, no hotel-balneario de Ferreira de Pantón (Lugo), para profesionais de turismo e termalismo dos municipios de Verín e Chaves. Unha acción enmarcada dentro do  proxecto "Eurorrexión Termal e da Auga" -financiado polo Programa Operativo de Cooperación Transfronteiriza España-Portugal- e que tivo como obxectivo principal contribuír á revalorización da Eurorrexión Galicia-Norte de Portugal como referente europeo do termalismo, ademais de proporcionar coñecementos  xerais sobre termalismo e incentivar á coordinación entre axentes turísticos e  sociais para garantir unha experiencia termal integrada e de alto valor engadido.

Na xornada do venres 07 de febreiro, ás 20.30 horas, na Casa da Cultura de Verín terá lugar a representación do espectáculo 'Yin', organizado por Nekane Fernández e compañía, e coa colaboración do Concello de Verín.

Seguindo as indicacións da Comisión Escolar de Alertas nas que se determina a suspensión das actividades no exterior dos centros educativos de toda Galicia este xoves 6 pola alerta laranxa, tamén quedarán suspendidas na xornada de mañá todas as actividades realizadas, ao aire libre, polo Servizo Municipal de Deportes do Concello de Verín. Máis información no seguinte link

A Federación Galega de Municipios e Provincias (Fegamp) e o Fondo Galego de Cooperación e Soliedariedade rubricaron esta mañá a renovación do seu acordo de colaboración. A firma protagonizárona os seus respectivos presidentes, José Manuel Rey Varela e Teresa París. É a terceira vez que ambas as entidades subscriben este convenio, tras as positivas experiencias dos anos 1988 e 2005.

Na xornada de hoxe, 04 de febreiro, quedan suspendidos todos os adestramentos de Fútbol 11 e Fútbol 8 a causa do temporal (agardamos que mañá se volva á rutina dos adestramentos).