Concello de Verín

O Gabinete de Apoio Técnico da Eurocidade Chaves-Verín xa rexistrou a Tarxeta do Eurocidadán nº 5.000, despois de iniciar a emisión desta tarxetas nas dúas localidades hai pouco máis dun ano, desde finais de abril de 2012. Unha cifra que tamén se repite na de número de amigos cos que conta a Eurocidade na súa páxina de Facebook.

Desde Desenvolvemento Local do Concello de Verín infórmase da resolución do 16 de xullo de 2013, do director xeral de Traballo e Economía Social, pola que se ditan instrucións en relación á Orde do 28 de maio de 2013 pola que se establecen as bases reguladoras do programa de incentivos á contratación das persoas traballadoras, cofinanciado polo Fondo Social Europeo, e se procede á súa convocatoria para o ano 2013, e á Orde do 6 de xuño de 2013 pola que se establecen as bases reguladoras do programa de axudas a persoas traballadoras autónomas pola contratación indefinida de persoas asalariadas, cofinanciado polo Fondo Social Europeo e se procede á súa convocatoria para o ano 2013.

Desde Desenvolvemento Local do Concello de Verín infórmase da resolución do 10 de xuño de 2013, da Secretaría Xeral de Medios, pola que se convocan, en réxime de concorrencia non competitiva, as subvencións dirixidas a familias para a adquisición de equipamentos de televisión dixital terrestre mediante recepción satelital en vivendas e edificacións situadas en zonas para revitalizar do Programa de desenvolvemento rural sustentable en Galicia para o ano 2013 (código do procedemento PR527B).

Eduardo Atanes Álvarez, poeta natural de Penaverde (Cualedro) residente en Verín desde o ano 1999, presenta mañá 2 de agosto, ás 20.30 horas, na Casa da Cultura de Verín o libro O sentir dos adentros.

Mañá 02 de agosto, no Jardim Público de Chaves, arranca a primeira feira adicada ao Pastel de Chaves, que contará coa animación a cargo do Festival de Música Tradicional Folk, Flaviaefest 2013, e dos que a organización agarda unha importante presenza do público, tanto pola unión dos dous eventos como polo mes de celebración.