Concello de Verín

A Eurocidade apoia, por segundo ano consecutivo, o Festival de Bandas de Garagem “Chaves Underground na Eurocidade Chaves-Verín”, que se realizará os días 31 de outubro, 1 e 2 de novembro no Centro Cultural de Chaves.

No evento acutarán bandas locais do territorio da Eurocidade, como Green Plant, Origins, Clave, WallSmille que contarán tamén coa a participación de DJ's. O festival terá inicio ás 22.30 horas (hora local) no Garagem Centro Cultural de Chaves, un local con aproximadamente 1.000 metros cadrados, que foi organizado de modo que 800 m2 libres puidesen ser utilizados para a realización de eventos deste xénero; e ademais as paredes do espazo cultural foron decoradas con graffitis realizados por mozos/as flavienses e verinenses na 1ª edición deste festival, co obxecto de conceder ao espazo unha decoración urbana e moderna, e aos/ás rapaces/as a oportunidade de mostrar a súa “arte” ao publico.

Desde mañá martes, e ata o 11 de novembro, a  Biblioteca Pública Municipal de Verín acolle a exposición itinerante sobre a figura e obra de Roberto Vidal Bolaño, organizada pola Asociación Roberto Vidal Bolaño coa colaboración das secretarías xerais de Cultura e de Política Lingüística da Consellería de Cultura, Educación e Ordenación Universitaria.

Con motivo da celebración do ‘Samain’, máis coñecida pola súa versión anglo-americana do Halloween -do vocábulo All Hallow´s Eve (Noite de Todos os Santos)-, a Biblioteca Pública Municipal do Concello de Verín realizará, o vindeiro xoves 31 de outubro, de 18 a 19.30 horas, unha sesión de contacontos e manualidades.

Os rexedores de Verín e Chaves, Juan Manuel Jiménez e António Cabeleira, recibiron hoxe a responsables (vicerrector e responsables de área médica e de enfermería) da Universidade de Barcelona para visitar o territorio da Eurocidade co obxecto de presentar un proxecto educativo destinado a ampliar a oferta formativa da Escola de Enfermagem Dr. José Timóteo Montalvão Machado de Chaves, que pasará a denominarse Escola Superior de Saúde da Eurocidade.

O fotógrafo Rober Amado áchase ata finais de mes en Cabo Verde retratando a vida no arquipélago africano e os proxectos alí apoiados durante os últimos once anos polo Fondo Galego de Cooperación e Solidariedade para preparar unha exposición que logo xirará por municipios de toda Galicia. A viaxe forma parte do premio da primeira edición de ‘Imaxes con Fondo’ 2012, certame que o fotoxornalista ferrolán residente no Carballiño gañou o pasado ano.