Concello de Verín

A Concellería de Deportes segue a traballar na consolidación do Club de Natación de Verín, creado na pasada lexislatura polo actual grupo de goberno, e que está conformado por un total de 16 nenos/as inscritos de modo directo e outros 14 máis integrantes dos diferentes cursos de natación da Piscina Climatizada de Verín, que conta na actualidade cuns 392 menores.

O Centro Asociado da Universidad Nacional a Distancia (UNED) en Ourense e o departamento de Educación Familiar do Concello de Verín promoven a realización do curso “Mediación e xestión de conflitos”, que terá lugar entre os meses de marzo e abril e no que tamén colabora o CDR Portas Abertas e Foro La Región.

Desde Desenvolvemento Local do Concello de Verín infórmase da publicación da orde do 26 de decembro de 2012 pola que se convocan probas para a obtención de determinados carnés profesionais e habilitacións profesionais no ano 2013.

Desde Desenvolvemento Local do Concello de Verín infórmase da publicación da Lei 1/2013, do 13 de febreiro, pola que se modifica a Lei 13/2006, do 27 de decembro, de horarios comerciais de Galicia.

O vindeiro venres 22 de febreiro, de 18 a 19.30 horas, a Biblioteca Pública Municipal de Verín programa a iniciativa ‘Cometas ao Vento', no marco da programación de actividades destinadas ao fomento da lectura e dinamización da instalación municipal.