Concello de Verín

Do 19 ao 24 de novembro, a Dirección Xeral de Xuventude e Voluntariado convoca o Seminario europeo 'A participación xuvenil nas agrupacións transfronteirizas' na Eurocidade Chaves-Verín, coa finalidade de que representantes de colectivos e líderes xuvenís de distintas agrupacións transfronteirizas europeas poidan debater sobre as súas propias realidades e compartir as súas experiencias sobre participación xuvenil, xerando novos materiais e recursos para o traballo coa mocidade, de cara a fixar poboación, e promover a colaboración entre os mozos e mozas dun lado e o outro da raia.

O vindeiro 9 de novembro, a Dirección Xeral de Xuventude e Voluntariado promove a celebración dun 'Foro xuvenil transfronteirizo', en colaboración co Instituto Portugués de Deporte e Xuventude, Eurocidade Chaves-Verín, Câmara Municipal de Chaves e Concello de Verín.

A Biblioteca Pública Municipal do Concello de Verín organiza, con motivo da celebración do ‘Día Internacional das Bibliotecas’, unha actividade cultural o vindeiro mércores 24 de outubro, de 18 a 19.30 horas, enmarcada dentro da programación de actuacións destinadas ao fomento da lectura.

O Fondo Galego de Cooperación e Solidariedade comparte esta semana con municipios e ONGD de Alemaña a súa experiencia en Nicaragua. O secretario da entidade, Daniel González Palau, viaxa mañá xoves á cidade xermana de Wuppertal convidado por Fine+p, organización parceira do proxecto europeo ‘Redes para o desenvolvemento’, onde o Fondo Galego asesora a Portugal e Alemaña na promoción das súas redes de cooperación descentralizada, na procura dun maior impacto e eficacia nos procesos de cooperación internacional que nacen do poder local.

A aula Multimedia do Concello de Verín programa catro novos cursos de informática para o mes de novembro, que terán lugar na Aula CeMIT da Casa da Xuventude de Verín.