Concello de Verín

A sede da Eurocidade Chaves-Verín converteuse, na xornada de onte, no espazo escollido por nove entidades e municipios para asinar a súa preadhesión á Carta Europea da Seguridade Viaria, impulsada pola Comisión Europea co fin de reducir o número de vítimas de accidentes de tráfico.

O Concello de Verín inicia unha nova edición do proxecto de redución do abandono escolar, promovido desde o departamento de Educación Familiar de Servizos Sociais e asentado en tres modalidades: Estudar pode ser divertido, Obradoiro de Graduado e Corresponsabilidade,  Programa de Competencias Clave e Certificados de Profesionalidade,  Obradoiro de Debate, e Información e Sensibilización.

A sede da Eurocidade Chaves-Verín acolleu na xornada de hoxe o I Fórum Europeo de Cooperación Transfronteriza en Seguridade Viaria, enmarcado no programa de actividades da cuarta edición da Semana da Educación e Seguridade Viaria destinada a sensibilizar a poboación de ambos municipios, especialmente aos máis novos, das diversas formas correctas de comportamento en educación e seguridade viaria.

Desde Desenvolvemento Local do Concello de Verín infórmase da publicación da Orde do 26 de setembro de 2012 pola que se modifica o artigo 17 do anexo I da Orde do 29 de maio de 2012 (Diario Oficial de Galicia número 110, do 11 de xuño) pola que se establecen as bases reguladoras para a concesión, en réxime de concorrencia competitiva, de subvencións a empresas galegas do sector téxtil-moda-confección para a realización de actuacións e estratexias de promoción e internacionalización en desenvolvemento do Plan Estratéxico do Téxtil. Visión 2020, e se procede á súa convocatoria para o ano 2012 (código de procedemento IN515B).

A Xunta de Goberno da Deputación acordou aproba-las Bases reguladoras da terceira convocatoria do ano 2012 de concurso público para a concesión de bolsas internacionais da Deputación Provincial de Ourense no marco do Programa europeo Leonardo da Vinci.