Concello de Verín

A Asociación da Ruta do Viño Monterrei, en colaboración co Concello de Verín e o Consello Regulador da Denominación de Orixe Monterrei, elaborou paquetes especiais de enoturismo para a ponte da Constitución, destinados a que os/as visitantes se aproximen a Verín nestas datas co obxecto de coñecer de modo integral un destino con múltiples posibilidades: paseos por viñedos, visita a adegas, degustación da gastronomía da zona, adquisición de produtos típicos e visitar o patrimonio natural e histórico-artístico da comarca de Verín-Monterrei.

Durante estas tres semanas, un centenar de alumnos/as do colexio María Inmaculada visitarán a Biblioteca Pública Municipal de Verín, dentro do programa de actividades organizadas ao longo do curso escolar por esta instalación.

Promover a educación e seguridade viaria dos dous lados da fronteira nunha iniciativa conxunta. Este foi o obxectivo prioritario da Semana da Educación e Seguridade Viaria, que a Eurocidade Chaves-Verín organizou por terceiro ano consecutivo. Este ano esta iniciativa, que tivo lugar durante catro días -entre o 14 e 17 de novembro-, contou cun programa que contemplaba varias accións de divulgación de formas correctas de actuación sobre educación e seguridade viaria, dirixidas a poboación das dúas localidades.

A Casa da Xuventude de Verín acolleu hoxe unha Xornada formativa para persoas inmigrantes en materia de consumo (Programa Brandán), realizada entre a Secretaría Xeral da Emigración e o Instituto Galego de Consumo, e coa colaboración do Concello de Verín.

A aula Multimedia do Concello de Verín programa cinco novos cursos de Alfabetización Dixital a partir do 28 de novembro, que terán lugar na Aula CeMIT da Casa da Xuventude de Verín.