Concello de Verín

 Mencións tan salientables como a da revista National Geographic, nominacións para premios de divulgación como a do Instituto Galego do Viño (INGAVI) ou a atención do Consello de Europa, que a semana pasada avaliou as súas instalacións de cara a incluílas nos seus Itinerarios Culturais Europeos, son o extraordinario balance dos catro anos de vida do Museo do Claustro Mercedario de Verín. O centro, nacido da colaboración do Concello de Verín coa Orde da Mercede, pretende divulgar a identidade histórica de Verín mediante as máis modernas técnicas de Interpretación Patrimonial.

 Esta mañá, a concelleira de Educación Cultura e Festexos, Emilia Somoza, xunto co xerente e o presidente da Asociación de Empresarios de Verín (AEVER), Xosé Ángel Rodicio e Santos Álvarez, presentaron o programa de actividades para este Nadal. Serán, un total de trece ofertas de lecer, cultura e dinamización do comercio local  deseñadas para o goce de todos os públicos, que se estenderan desde o sábado 4 de decembro ata o domingo 8 de xaneiro do 2022.

XX O mércores 1 de decembro ábrese o prazo de inscrición do servizo de ludoteca “Ludonadal”, actividade organizada pola Oficina Municipal de Información Xuvenil do Concello de Verín e destinada e dirixida a nenos e nenas con idades comprendidas entre os 3 e 10 anos. O obxectivo desta iniciativa e facilitar a conciliación dos pais e nais e proporcionar aos menores un espazo de lecer durante as vacacións de Nadal.

 A  Eurocidade Chaves-Verín, AECT como membro da Asociación Europea de Cidades Termais Históricas (siglas en inglés:  EHTTA https://ehtta.eu/portal/es/home-3/) recibiu os días 25 e 26 novembro a visita da Dra. Cristina  Farinha da  Universidade  do Porto, sendo designada para avaliar o Roteiro Termal e da auga Verín-Chaves-Vidago no ámbito do Itinerario Cultural Europeo do Consello de Europa que integran as cidades con Herdanza Termal en Europa, representadas pola  EHTTA.