Concello de Verín

O vindeiro sábado 28 de novembro, de 11.30 a 13 horas, a Biblioteca Pública Municipal de Verín acollerá a actividade ‘A Biblioteca da Igualdade e da Vida’, co obxectivo de concienciar aos/ás nenos/as da importancia da igualdade e contra a violencia de xénero.

A Casa da Cultura de Verín acollerá o próximo 24 de novembro, desde as 9 ás 14 horas, o seminario ‘¿O empresario nace ou faise?’, organizado dentro do proxecto Espazo Xuvenil, dirixido pola Dirección Xeral de Xuventude e Voluntariado da Consellería de Traballo e Benestar da Xunta de Galicia e o Instituto Português de Juventude, e aprobado no marco do Programa de Cooperación Transfronteiriza Galicia-Norte de Portugal 2007-2013 (POCTEP).

O próximo venres 27 de novembro, a partir das 12 horas, o Concello de Verín e a Fundación Preescolar na Casa organizan xogos acuáticos para bebés, con idades comprendidas entre os seis meses e tres anos, na Piscina Climatizada de Verín.

O vindeiro 21 de novembro, de 11.30 a 13 horas, a Biblioteca Pública Municipal de Verín promove a actividade ‘Unha Biblioteca Máxica’, na que os/as participantes realizarán contacontos, xogos e manualidades.

Tras a realización dunha primeira mesa informativa, realizada o pasado 4 de novembro, as concellerías de Igualdade e Benestar Social, seguindo ás directrices marcadas pola Lei 2/2008,do 28 de marzo do Traballo en Igualdade dás Mulleres de Galicia., e en sintonía co que xa se fai noutros municipio, programa unha mesa de concertación do Plan de Programación do Tempo na Cidade,  para o próximo o día 17 de novembro, ás 20 horas, no salón de actos da Casa da Cultura.