Concello de Verín

A Piscina Climatizada de Verín acolleu, o sábado 20 de marzo, o Campionato de Natación das Escolas Deportivas, organizado polo Servizo de Deportes con motivo da Feira do Lázaro e Certame Gastronómico ‘Vila de Verín’. 

Galería de Imaxes

O sábado 20 de marzo, a partir das 11 horas, o Pavillón Municipal de Deportes de Verín acollerá a realización da terceira edición do concurso Cigarrón de Verín, co fin de converterse nun referente gastronómico e relanzar os produtos e viños da comarca de Monterrei.

A Casa do Escudo de Verín acolle por segundo ano consecutivo ArtVerín, exposición de artes plásticas na que participan vinte artistas da nosa comarca. A mostra ábrese oficialmente o xoves día 18,  para clausurarse o día 3 de abril, sábado de Paixón. No acto inaugural, que comezará ás 20.15 horas, está prevista a participación do alcalde de Verín, Juan Manuel Jiménez Morán, e entre os convidados figuran os alcaldes da Mancomunidade de Municipios da Comarca de Verín, os membros dos grupos políticos municipais verinenses, as persoas representativas dos sectores empresarial e asociativo, e as vinculadas directamente ás artes plásticas na comarca.

A área deportiva de A Granxa acollerá o vindeiro 20 de marzo, a partir das 17 horas, un Torneo de Fútbol de Veteranos, no que participarán Deportivo de La Coruña, G.D. Chaves e Verín C.F.

Durante os días 20 e 21 de marzo, a localidade de Verín acollerá o ‘I Encontro Musical Vila de Verín’, enmarcado nesta edición da Feira do Lázaro.