Concello de Verín

O Concello de Verín celebrará o Día das Letras Galegas cunha Gala Músico-Literaria na Casa da Cultura, o próximo 17 de maio a partir das 19 horas. Nese acto vanse entregar os premios do Certame de Poesía Xosé Carlos Caneiro Pérez e do Certame de Relato Curto Antonio Fernández Pérez, nos que participaron colexiais de oito centros da comarca de Verín: CEIP O Castiñeiro de Laza, CEIP de Oímbra, CEIP Amaro Refojo, Colexio María Inmaculada, Colexio Apostólico Mercedario, IES Castro de Baronceli, IES Xesús Taboada Chivite e IES García Barbón de Verín.

O próximo 20 de maio, a partir das 19.30 horas, terá lugar na Casa da Cultura de Verín a charla-coloquio ‘Conceptos de alimentación para a saúde’, impartida por José Antonio Viso. Este diplomado en enfermería presentará aos asistentes os diferentes conceptos de alimentación, como proteínas e carbohidratos, e a súa consumición para lograr unha correcta alimentación, sen esquecer as patoloxías específicas de cada persoa.

Durante os días 16 e 17 de maio, o concello de Verín participará nos actos do IV Grande Desfile da Máscara Ibérica, organizado en Lisboa por Progestur, EGEAC e a Associação de Turismo de Lisboa.

O alcalde de Verín, Juan Manuel Jiménez, presentou esta mañá en rolda de prensa ao novo concelleiro do Partido Popular, Luis Meiriño Vieytes, que substituirá no grupo de goberno a María del Carmen Pardo López, actual Secretaria Xeral para o Turismo. Este novo concelleiro encargarase da área que ata o momento ocupaba Pardo López, que é a de Promoción Económica, que inclúe: turismo, comercio, Eurocidade Chaves-Verín, consumo, agricultura e industria.

 

 

A Casa da Cultura de Verín acollerá mañá, a partir de 20.15 horas, unha dramatización sobre o escritor Ramón Piñeiro López, a quen lle esta adicado este ano o Día das Letras Galegas.