Concello de Verín

O alcalde do Concello de Verín, Juan Manuel Jiménez Morán, e o delegado da Consellería de Cultura e Deportes, Antonio Blanco Rodríguez, presentaron esta mañá o ciclo 'Músicas Raianas'. 'Músicas Raianas' naceu como proxecto innovador para divulgar as experiencias musicais máis interesantes que se están a desenvolver no ámbito da música popular na Eurocidade Chaves-Verín. Para iso, elixíronse catro formacións musicais de ámbitos tan distintos como a música tradicional, o fado, a unión de bossanova e jazz; e a fusión, para o tradicional cuarto de corda clásico, de músicas que son innovadoras nese repertorio, como as bandas sonoras, os estándar que dominan as listaxes de éxitos, ou o rock sinfónico. O criterio que se seguiu foi o de incluír na programación a dous grupos de Verín e outros tantos de Chaves.

Durante o mes de decembro, a localidade de Verín acollerá a realización dos obradoiros 'Atrévete a innovar' e 'Seminarios de Mellora Empresarial para o comercio en activo e as Micropemes'.

Co fin de cubrir todas as peticións realizadas polas persoas maiores da localidade, que amosaron a súa satisfacción ante os tratamentos, prezos e o trato persoal recibido nas Termas de Chaves, indicando a maioría dos termalistas que xa realizaron estas terapias o seu interese por repetilas, a Eurocidade Chaves-Verín decidiu realizar unha segunda edición do Programa de Termalismo Social, que comezará o vindeiro martes 2 de decembro.