Concello de Verín

O vindeiro martes, 9 de febreiro,  a Biblioteca do Concello de Verín presenta a primeira das súas sete videoconferencias temáticas: “Cigarróns do Oeste: Traxes, zamarras e pistolas. O poder dun traxe” de Miguel Losada, escritor, antropólogo e secretario da Soc. Antropolóxica Galega, que compartirá cos asistentes  moitas curiosidades en torno á figura deste ser que cobra  vida  nas datas  do  Entroido.

 A día de hoxe, venres 5 de febreiro, a cifra de casos activos por COVID-19 no Concello de Verín é de 122 persoas.

  Este ano non haberá entroido. Pero, quen di que non podemos gozar desde casa lembrando os nosos mellores momentos? atento as nosas redes sociais...

O Concello de Verín vén de anunciar un paquete de accións promocionais deseñadas coa finalidade de manter viva a chama do Entroido de Verín neste ano marcado pola pandemia provocada pola Covid-19. Á repartición de mascarillas temáticas do Entroido realizada hoxe nos centros educativos de Verín, súmanselle unha campaña de visibilización nas plataformas dixitais institucionais e a distribución entre os establecementos comerciais de Verín de pancartas para os balcóns e chapas, destinadas aos veciños e veciñas de Verín.

 A Biblioteca Municipal do Concello de Verín adapta a súa programación a actual situación sanitaria organizando un total de sete videoconferencias, de temáticas variadas, entre os meses de febreiro e xuño do ano 2021. Tamén poñerán a disposición do centros escolares da vila visitas virtuais polas súas instalacións.