Concello de Verín

O Fondo Galego de Cooperación e a ONGD InteRed están a impulsar a participación das mulleres quechuas e aimaras na rexión peruana de Puno para mellorar a efectividade do itinerario de atención ás vítimas de violencia familiar e sexual. A asociación de concellos e deputacións cofinancia con 29.343 euros este proxecto de cooperación internacional que implementa sobre o terreo a ONGD feminista Movimiento Manuela Ramos e que se fai público no mes en que se conmemora o Día das Mulleres.

O Concello de Verín xa pechou o xurado que valorará aos/ás participantes na oitava edición do concurso gastronómico 'Cigarrón de Verín, que terá lugar o sábado 21 de marzo, a partir das 10.15 horas, no Pavillón Municipal de Deportes de Verín.

Co fin de converter a Feira do Lázaro nun evento completo con actividades destinadas para todos os públicos, o Pavillón de Deportes será o escenario, durante os días 20, 21 e 22 de marzo da realización dun amplo abano de obradoiros para nenos/as.

Desde o departamento de Desenvolvemento Local do Concello de Verín infórmase da publicación da resolución do 9 de marzo de 2015, do Instituto Galego de Promoción Económica, pola que se procede á publicación dos requirimentos de emenda das axudas ás empresas do sector téxtil-moda-confección para a realización de actuacións e estratexias de promoción e internacionalización en desenvolvemento do Plan estratéxico do téxtil, Visión 2020, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013. Máis información no seguinte enlace.

Desde o Concello de Verín infórmase da publicación das ordes de subvencións para a renovación de cubertas con tella cerámica, lousa e rehabilitación con granito das fachadas de edificacións de vivenda existentes.