Concello de Verín

O destino Chaves-Verín participa, desde o pasado mércores e ata este domingo 08 de marzo, no 16º Salón Internacional de Turismo Gastronómico Xantar, co obxecto de ampliar a súa proxección entre o público profesional e visitantes en xeral.

O Concello de Verín acaba de finalizar as obras de mellora de dúas das pistas de pádel do complexo de A Granxa que, xunto coa nova realizada nos últimos meses, permite cubrir a demanda existente entre as persoas que practican este deporte.

Desde o departamento de Desenvolvemento Local do Concello de Verín infórmase da publicación da resolución  do 27 de febreiro de 2015, da Secretaría Xeral da Emigración, pola que se aproban as bases reguladoras para a concesión, en réxime de concorrencia non competitiva, de subvencións para promover o autoemprego e a actividade emprendedora na Comunidade Autónoma galega das persoas galegas retornadas, e se procede á súa convocatoria para o ano 2015. Toda a información no seguinte enlace.

Dende a área de Igualdade do Concello de Verín quérese conmemorar o Día Internacional das Mulleres: 8 de Marzo, co obxecto de defender as conquistas das mulleres, recoñecer os desafíos e dirixir maior atención aos dereitos e a igualdade de xénero co ánimo de motivar a todas as persoas a facer a parte que lle corresponda diariamente.

Desde o Concello de Verín infórmase da publicación da orde do 23 de febreiro de 2015, da Consellería de Economía e Industria, pola que se establecen as bases reguladoras para a concesión de subvencións, en réxime de concorrencia non competitiva, para o pagamento de parte da factura eléctrica a través do tícket eléctrico social de Galicia para o segundo semestre do 2014 e primeiro semestre do 2015, e se procede á súa convocatoria (código do procedemento IN414A). Toda a información no seguinte link.