Concello de Verín

O Concello de Verín acolleu unha reunión da Xunta Local de Seguridade, co-presidida polo subdelegado do Goberno en Ourense, Roberto Castro García, e o alcalde de Verín, Juan Manuel Jiménez Morán e na que participaron membros dos Corpos e Forzas de Seguridade do Estado e da Policía Local.

O vindeiro venres 06 de febreiro, de 18 a 19.30 horas, a Biblioteca Pública Municipal de Verín programa a iniciativa 'Contos da ra Gustavo’, no marco da programación de actividades destinadas ao fomento da lectura e dinamización da instalación municipal.

O vindeiro 03 de febreiro, ás 19.30 horas, a Biblioteca Pública Municipal de Verín acollerá a presentación das actas das “I Xornadas sobre o Entroido de Galiza”, a cargo de Miguel Losada e Rafael Quintía, da  Sociedade Antropolóxica Galega (SAGA).

A directora da Axencia Turismo de Galicia, Nava Castro, acompañou na tarde de onte ao director da Agrupación Europea de Cooperación Territorial Eurocidade Chaves-Verín e alcalde de Verín, Juan Manuel Jiménez Morán, e o vicepresidente da Câmara Municipal de Chaves, Carlos Penas, na presentación en FITUR de "Visit Chaves-Verín. Eurocidade da Auga" como o primeiro destino transfronteirizo da Península Ibérica.

A área de Xuventude, Deporte e Festexos do Concello de Verín, co obxecto de seguir mellorando o servizo ofertado aos/ás usuarios/as, amplía a oferta de grupos nas actividades deportivas na Piscina Climatizada do Concello de Verín para a tempada 2014-2015. Aos xa ofertados con anterioridade, súmase tres novos nos seguintes horarios: Spinning (luns e mércores de 08.30 ás 09.15 horas), Aero Box (martes e xoves, de 21.15 ás 22 horas) e Aero Tono (martes e xoves, de 19.45 a 20.30 horas).