Concello de Verín

Do 16 ao 20 de setembro as instalacións da Piscina Climatizada de Verín ofertarán unha 'Semana de Portas Abertas' na sala aeróbica, programada pola área de Xuventude, Deporte e Festexos do Concello de Verín.

A Eurocidade Chaves-Verín organiza o domingo 22 de setembro, a sétima edición da súa andaina popular, conxuntamente co XVIII Paseo Raiano do  Centro Social, Cultural e Desportivo de Vilarelho da Raia. Unha iniciativa de organización conxunta entre Chaves e Verín, destinada a incentivar a práctica deportiva física e estreitar lazos de unión e convivencia entre flavienses e verinenses, que tamén conmemorarán o Día Europeo sen automóbiles.

Do 06 ao 08 de setembro, o territorio da Eurocidade acollerá a organización da Celebración Ibérica do 110 aniversario da Harley Davidson, organizado por Harley Davidson e Porto Chapter, colaboración da Eurocidade, Município de Chaves, Concello de Verín e Solverde.

Mañá sábado, a partir das 19 horas, o complexo deportivo de A Granxa será escenario dun partido amistoso entre o Club Ourense Baloncesto e o C.B. Breogán, dous dos representantes galegos da Liga LEB Ouro do baloncesto nacional.

O vindeiro domingo 15 de setembro terá lugar a IX Maratón BTT ‘Rota do Presunto’, organizada polo BTT Club de Chaves e enmarcada dentro do proxecto de cooperación transfronteiriza da Eurocidade Chaves-Verín.