Concello de Verín

No Concello de Verín está exposto, para os afectados pola concentración parcelaria, o proxecto de Memoria valorada de camiños secundarios da z.c.p. de Mandín – Feces (Fase 3) (Verín-Ourense); x-11.427.

Desde Desenvolvemento Local do Concello de Verín infórmase da publicación da orde do 10 de setembro de 2013 pola que se establecen as bases reguladoras das axudas, en concorrencia competitiva, para o fomento da primeira forestación de terras non agrícolas, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007/2013, e se convocan para o ano 2013.

Desde Desenvolvemento Local do Concello de Verín infórmase da publicación da resolución do 1 de agosto de 2013, do Instituto da Xuventude, pola que se convocan as axudas Injuve para a Creación Xove, en el ano 2013.

A casa consistorial de Verín acolleu, esta mañá, o acto de sinatura do convenio entre Turismo de Galicia e o Concello de Verín para a realización de obras na Casa da Xuventude, entre a directora de Turismo de Galicia, Nava Castro, e o alcalde de Verín, Juan Manuel Jiménez Morán.

A Xunta de Galicia, a Deputación de Ourense e o Concello de Verín investirán máis de 3,3 millóns de euros na construción do Centro Cultural deste municipio ourensán, dando así cumprimento a un compromiso xurdido xa no ano 2010, no que o Goberno municipal e a antiga Consellería de Cultura e Turismo asinaron un convenio de colaboración para a redacción do proxecto desta infraestrutura.