Concello de Verín

Na xornada de mañá 20 de setembro, de 18 a 19.30 horas, terá lugar na Casa da Xuventude de Verín un 'Obradoiro de Arteterapia', a cargo de Sara Salgado, psicóloga do departamento de Servizos Sociais do Concello de Verín.

Uns/Unhas mil participantes, procedentes de diferentes localidades de Portugal e España, participaron na novena edición da 'Rota do Presunto', que tivo lugar en Chaves o pasado domingo. A iniciativa está organizada anualmente polo BTT Clube de Chaves, coa colaboración da Eurocidade Chaves-Verín e os municipios de Chaves e Verín.

A Casa da Cultura de Verín acollerá mañá xoves, ás 19 horas, a actividade Espazo Interxeracional 'Contacontos', destinado aos/ás nenos/as e persoas maiores, e enfocado a fomentar tarefas cognitivas de atención e concentración na lectura de contos populares, favorecer a participación noutras actividades da comunidade e sensibilizar aos/ás participantes na importancia do alzheimer.

Con 'Expoarte 2013', mostra que se inaugura hoxe, ás 20 horas, a Casa do Escudo de Verín clausurará as salas de exposicións temporais.

A Casa da Xuventude de Verín acollerá mañá mércores, de 11.30 a 13 horas, a realización do 'Obradoiro de estimulación cognitiva e autoestima', a cargo de Sara Salgado, psicóloga do departamento de Servizos Sociais do Concello de Verín.