Concello de Verín

Desde Desenvolvemento Local do Concello de Verín infórmase da publicación da resolución do 21 de outubro de 2013 pola que se lle dá publicidade ao acordo do Consello de Dirección do Instituto Galego de Promoción Económica, que aproba as bases reguladoras do programa de apoio do Igape para facilitar o acceso ao financiamento operativo das pequenas e medianas empresas elaboradoras de viños, financiado pola Consellería do Medio Rural e do Mar e instrumentado mediante convenio de colaboración entre o Instituto Galego de Promoción Económica, as sociedades de garantía recíproca galegas e as entidades financeiras adheridas, e se procede á súa convocatoria en réxime de concorrencia non competitiva.

O alcalde do Concello de Verín, Juan Manuel Jiménez Morán, o concelleiro de Deportes, Víctor Manuel Baladrón Lamas, e o presidente da Asociación de Empresarios de Verín-Centro Comercial Urbano Verín (AEVER-CCU Verín), José Ángel Rodicio Portela, presentaron esta mañá unha innovadora iniciativa económico-deportiva: a edición dun álbum de cromos das disciplinas competitivas EDC Concello de Verín (fútbol 11, fútbol 8, fútbol-sala, atletismo e natación).

O Concello de Verín acaba de asinar un convenio co grupo Eroski para a cesión de alimentos ao Banco de Roupa Municipal, que serán repartidos de modo diario entre as familias que máis o necesiten deste municipio.

Desde Desenvolvemento Local do Concello de Verín infórmase da publicación da orde do 15 de outubro de 2013 pola que se modifica o prazo de presentación da licenza municipal de obra e dos diferentes permisos administrativos previstos na Orde do 13 de xuño de 2013 pola que se establecen as bases reguladoras das axudas para a modernización das explotacións agrarias, para a incorporación de mozos á actividade agraria, e para o fomento da utilización de instalacións e equipamentos en común para a mellora dos procesos produtivos en réxime asociativo cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, e se convocan para o ano 2013.

A Fundación Galicia Europa, en colaboración co IPDJ e a CEG e o apoio do Gabinete Técnico da Eurocidade, organiza os días 14 e 15 de novembro o encontro 'Punto Verde. Unha idea, un proxecto, un plan de negocio verde (do pano da mesa ao plan de negocio), ao abeiro do proxecto Emprende, financiado polo Programa de Cooperación Transfronteiriza Galicia - Norte de Portugal (POCTEP).