Concello de Verín

Do 28 ao 31 de outubro, na aula 22 da Casa da Xuventude de Verín impartiranse cursos formativos e orientativos dirixidos a desempregados, emprendedores e empresarios, considerados colectivos estratéxicos para o desenvolvemento da comarca.

Desde Desenvolvemento Local do Concello de Verín infórmase da publicación da resolución do 10 de outubro de 2013, da Axencia Galega de Innovación, pola que se establecen as bases reguladoras para a concesión, en réxime de concorrencia non competitiva, das subvencións para o fomento da propiedade industrial no ámbito da Comunidade Autónoma de Galicia (Programa i2C PI), cofinanciadas polo Fondo Europeo de Desenvolvemento Rexional (Feder), no marco do programa operativo Feder Galicia 2007-2013, e se procede á súa convocatoria para o ano 2013 (código de procedemento IN525A).

O venres 18 de outubro, ás 19.30 horas, a Biblioteca Pública Municipal de Verín acollerá a presentación do libro 'Alicornio. O poder do corno de unicornio na medicina tradicional galega', a cargo de Rafa Quintía Pereira e Miguel Losada García.

O vindeiro 31 de outubro iniciarase o 'Curso de Arte Románico', que conta coa colaboración do Concello de Verín, e será impartido pola investigadora Nuria Álvarez Font.

Os Axóuxeres, festa da música, do xogo e da palabra para familias con nenos menores de 7 anos, chega a Verín o domingo día 20, na sala da aeróbic da Piscina Climatizada de Verín, a partir das 18.30 horas.