Concello de Verín

Desde Desenvolvemento Local do Concello de Verín infórmase da publicación da resolución do 7 de xuño de 2013 pola que se lle dá publicidade ao acordo do Consello de Dirección do Instituto Galego de Promoción Económica (Igape), que aproba as bases reguladoras das axudas do Igape á reorientación e competitividade das pemes galegas, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, e se procede á súa convocatoria en réxime de concorrencia competitiva.

Na xornada de mañá sábado, ás 20.30 horas, na Casa da Cultura de Verín terá lugar a representación do espectáculo 'Dramático: Yin', organizado por Nekane Fernández e compañía, e coa colaboración do Concello de Verín.

O venres 21 de xuño, de 17.30 a 19.30 horas, a Biblioteca Pública Municipal de Verín programa a iniciativa ‘Festa Hawaiana’, no marco da programación de actividades destinadas ao fomento da lectura e dinamización da instalación municipal.

O alcalde de Verín, Juan Manuel Jiménez, e o xerente da  Axencia Galega de Emerxencias, Juan José Muñoz Iglesias, inauguraron esta mañá, na sede da Eurocidade, as xornadas de sensibilización sobre cooperación transfronteiriza 'A cooperación transfronteiriza. Especial referencia á atención de emerxencias. Análise práctico e legal. Permeabilidade de fronteiras: un obxectivo, unha necesidade”.

Desde Desenvolvemento Local do Concello de Verín infórmase da publicación, por parte do Instituto Galego de Promoción Económica, da resolución do 31 de maio de 2013 pola que se lle dá publicidade ao acordo do Consello de Dirección do Instituto Galego de Promoción Económica (Igape), que aproba as bases reguladoras das axudas do Igape para a contratación de xestores Igapex de internacionalización, cofinanciadas polo Fondo Social Europeo no marco do programa operativo FSE Galicia 2007-2013, e se procede á súa convocatoria para o exercicio 2013 en réxime de concorrencia non competitiva.