Concello de Verín

O equipo infantil de fútbol sala das EDC Verín acadou o subcampionato no Campionato Nacional de Clubs, da Confederación Nacional de Fútbol Sala, que tivo lugar este fin de semana en Torrevieja (Alacante).

Desde o departamento de Servizos Sociais Comunitarios do Concello de Verín, infórmase que ata o 07 de xuño está aberto o prazo de inscrición para participar no programa Termalismo Saudable 2013, da Deputación de Ourense.

Profesores e alumnos do Conservatorio Elemental de Música de Verín ofrecerán tres concertos didácticos o luns día 3 de xuño nos que está previsto que participen como espectadores 650 alumnos de Primaria do CPR Multilingüe María Inmaculada, CEIP Amaro Refojo, CEIP de Castrelo do Val, CEIP de Oímbra, CRA Monterrei e CEIP Princesa de España.

A Casa da Cultura de Verín acolleu, na mañá de hoxe, a clausura das Xornadas de formación e  presentación do simulacro en materia de xestión de emerxencias do Proxecto ARIEM 112, presidida polo director xeral de Emerxencias e Interior, Santiago Villanueva Álvarez, o xerente de Axega, Juan José Muñoz Iglesias, o do presidente Consorcio Contra Incendios e Salvamento da comarca de Verín, José Ramón Barreal Novo, e o tenente alcalde de Verín, Enrique Díaz García.

Aos residentes nas rúas AMARO REFOXO, CRUZ E TREITO DENDE A PRAZA MAIOR Á RÚA MAIOR (ATÉ A IGREXA PARROQUIAL), na medida do posible, se absteñan de utilizar o vehículo polas referidas rúas, dende as 22 horas do 1 de xuño até as 14 horas do día 2; todo isto con motivo da celebración da festa do Corpus e alfombrar con flores as devanditas rúas para esta festividade relixiosa.