Concello de Verín

O Fondo Galego de Cooperación e Solidariedade apoia en Nicaragua a xestión ambiental de dúas áreas protexidas a través dun proxecto subvencionado a Amigos da Terra con 20.000 euros, unha actuación que se fai pública coincidindo co Día Mundial do Medio Ambiente, que se celebra hoxe. A ONGD ecoloxista traballa coa fundación nicaraguana Líder no fortalecemento das capacidades locais para a conservación das reservas naturais do volcán Cosigüina e do delta do Estero Real, ambas as dúas no Golfo de Fonseca, un dos ecosistemas máis representativos de Centroamérica.

O vindeiro xoves 06 de xuño, a Oficina Municipal de Información Xuvenil do Concello de Verín comezará a tramitar as solicitudes de inscrición para participar nunha nova edición do Campamento do Invernadeiro.

Desde Desenvolvemento Local do Concello de Verín infórmase da publicación por parte do Ministerio de Industria, Enerxía e Turismo da resolución de 30 de maio de 2013, da Oficina Española de Patentes e Marcas, pola que se convoca, para o ano 2013, a concesión de subvencións para o fomento das solicitudes de patentes e modelos de utilidade españois e no exterior.

Este venres 07 de xuño, a partir das 20.45 horas, terá lugar a primeira edición da Gala do Deporte de Verín, realizada polo servizo de Deportes do Concello de Verín, na dezasete deportistas locais optan a catro dos sete premios que se entregarán na mesma, destinada a recoñecer a súa labor durante esta última tempada.

O vindeiro venres 07 de xuño, de 18 a 19.15 horas, a Biblioteca Pública Municipal de Verín programa a iniciativa ‘Contos dos Paxaros' no marco da programación de actividades destinadas ao fomento da lectura e dinamización da instalación municipal.