Concello de Verín

O vindeiro luns 27 de maio, a partir das 20.30 horas, terá lugar na Casa da Cultura de Verín o relatorio 'Morte súbita no deportista' a cargo do doutor Nabor Díaz Rodríguez, ecografista do Centro Médico Semecor e coordinador nacional do grupo de traballo de ecografía Semergen.

Desde Desenvolvemento Local do Concello de Verín infórmase da resolución do 10 de maio de 2013 pola que se procede á publicación de requirimentos de emenda das solicitudes presentadas ao abeiro da Resolución do 9 de abril de 2013, que estableceu as bases reguladoras e anunciou a convocatoria de subvencións, en réxime de concorrencia non competitiva, a proxectos de enerxías renovables (Diario Oficial de Galicia número 73, do 16 de abril).

O Concello de Verín e Asociación de Empresarios/as de Verín (AEVER)-CCU Verín promoven para o vindeiro 15 de xuño, na praza da Alameda da localidade, a realización dun circuíto de educación viarias, que ademais de buscar a sensibilización dos/as menores nas formas correctas de comportamento en educación e seguridade viaria, ten por obxecto a promoción económica do comercio tradicional.  

O vindeiro 8 de xuño terán lugar, no Pavillón Municipal de Deportes e o complexo deportivo A Granxa, a realización do IV Torneo Internacional de Fútbol 8 (categorías prebenxamín e benxamín) e II Torneo de Fútbol-Sala (nas de benxamín, alevín e infantil).

A sétima edición das Xornadas de Deporte e Saúde continúa este fin de semana en Verín coa realización dunha Master class de bailes urbanos e o sexto Encontro de Deporte e Saúde, que terán lugar o sábado 25 de maio, e que foron presentadas esta mañá polo tenente de alcalde de Verín, Enrique Díaz, o concelleiro de Deportes, Víctor Baladrón, e o presidente de AEVER-CCU Verín, José Ángel Rodicio.