Concello de Verín

Desde Oficina Municipal de Información Xuvenil do Concello de Verín (OMIX) infórmase da publicación das bases reguladoras que rexen as axudas para facilitar a obtención do permiso de condución clase B e favorecer a seguridade viaria da xuventude galega, e se procede á súa convocatoria.

A Xunta de Goberno da Deputación acordou aproba-las Bases reguladoras da segunda convocatoria do ano 2013 de concurso público para a concesión de bolsas internacionais da Deputación Provincial de Ourense no marco do Programa europeo Leonardo da Vinci.

O Pavillón Municipal de Deportes e o complexo deportivo de A Granxa de Verín acolleron, este fin de semana, o Campionato Provincial de Fútbol-Sala Benxamín, Alevín, Cadete e Infantil, organizado pola Secretaría Xeral para o Deporte da Xunta de Galicia, Xogade, delegación ourensana de Fútbol Sala e Concello de Verín.

A proxección dun audiovisual, á que seguirá unha charla sobre a vida e a obra de Roberto Vidal Bolaño, escritor homenaxeado na efeméride, e unha gala músico-literaria na que se lerán os relatos gañadores do Certame de Relato Curto Antonio Fernández Pérez, e se declamarán, na voz dos autores, as composicións premiadas no Certame de Poesía Xosé Carlos Caneiro Pérez, serán os actos que se celebren en Verín con motivo do Día das Letras Galegas fóra do ámbito educativo.

Nas últimas xornadas, o alférez-xefe da Agrupación Guardia Civil Tráfico de Verín, Javier Barja Álvarez, impartiu a charla-coloquio 'Seguridade Viaria e 3ª Idade' a medio centenar de persoas no Centro Sociocomunitario de Verín, no marco das actividades organizadas polo Concello de Verín tras a súa adhesión á Carta Europea de Seguridade Viaria.