Concello de Verín

A área de deportes do Concello de Verín, Saudeter e o clube de salvamento acuático Salvaour promoverán, durante as vacacións de Semana Santa, as segundas xornadas de salvamento acuático para os/as nenos/as que forman parte dos cursos de natación do Concello de Verín.

Do 22 de marzo ao 15 de abril, a Casa do Escudo de Verín acollerá a exposición 'Dúas Olladas', conformada por unha selección de obras obras de pintura e escultura realizadas polos artistas Xosé Rivada (escultopintor) e Armando Martínez (escultor); así como do pintor Eduardo José Ortún.

Durante a celebración da Feira do Lázaro e Certame Gastronómico 'Vila de Verín', a Eurocidade Chaves-Verín promoveu a primeira edición concurso 'Canto sabes da Eurocidade Chaves-Verín' no que participaron  115 persoas.

Mañá, o salón de actos da Casa da Cultura de Verín acollerá, a partir das 16 horas, os obradoiros 'Introdución ao Coaching' e 'Estudo sobre a violencia na provincia de Ourense', enmarcados no curso 'Mediación e xestión de conflitos”, organizado polo Centro Asociado da UNED en Ourense e o departamento de Educación Familiar do Concello de Verín -coa colaboración do CDR Portas Abertas-.

A Dirección de Impostos sobre Vehículos da Autoridade Tributaria e Alfandegueira de Portugal ditou un oficio que flexibiliza os supostos nos que ha de obterse a denominada Guía de Circulación para circular polo país para transportistas cuxos vehículos estean matriculados na UE.