Concello de Verín

Durante os meses de maio e xuño, os departamentos da Oficina Municipal de Información Xuvenil (OMIX) e o de Psicoloxía (Servizos Sociais) do Concello de Verín organizaron unha serie de charlas informativas sobre condutas adictivas que foron impartidas nos distintos centros de ensino secundario da vila (IES Xesús Taboada Chivite, IES Castro de Baroncelli e o Colexio Apostólico Mercedario).

O pasado venres 7 de xuño, Fran Guede presentou na Biblioteca Pública Municipal do Concello de Verín o libro "Ficcionario", (texto de Fran Guede e ilustracións de Alberto Carballo), editorial Autografía. A obra está dirixida tanto a nenos e nenas e os seus pais e nais. O autor define a obra do seguinte xeito: «Ficcionario, naceu un día no que as verbas que atopaba no dicionario (guerra, fame, xenofobia...) non me gustaban, e decidín facer un que tivera unhas palabras máis fermosas.»

Despois da excelente temporada realizada polo CDR Portas Abertas - Xadrez Verín na Liga Galega, onde conseguiu o sétimo posto mantendo a categoría na División de Honra co Verín A e o ascenso a Segunda División co Verín C, o Xadrez Verín ven de conseguir o seu maior logro deportivo da historia proclamándose campión da Copa Galicia por equipos 2019, encontro disputado o pasado domingo 26 en Noia.

Máis de trinta nenos e nenas participaron  onte, xunto cos seus proxenitores, na festa de fin de curso do programa 'Kero-Kolo'. Devandita xornada lúdica tivo lugar na cafetería “Pequenos”, establecemento que cedeu as súas instalacións para a celebración da mesma. Durante o evento, os cativos foron agasallados cunha orla con fotografías de todos os participantes.

Dez integrantes do Clube Ciclista Verín participaron este domingo na oitava edición da Granfondo Stelvio Santini 2019, unha cita ciclista italiana con saída e chegada a Bormio, e que discorre polos portos de #Teglio, #Mortirolo e #Cancano.