Concello de Verín

Israel, con lagares rupestres datados dende 1.500 anos antes de Cristo, e Portugal, con monumentos similares dende a era romana, son os dous modelos a  seguir para xerar riqueza creando roteiros adicados ó enoturismo. Esta é unha das conclusións da segunda reunión internacional da Asociación de Lagares Rupestres, que onte se celebrou no Museo Claustro Mercedario en Verín, cuxa comarca, en Monterrei, alberga 60 distes peculiares restos arqueolóxicos.

A Fundación Galicia Europa, en colaboración co Concello de Verín, convoca o curso “Impulsores de oportunidades - Emprego na Eurocidade: traballo, turismo e termalismo”, que terá lugar entre os días 2 e 5 de outubro de 2018.

Entre o 21 e o 23 de setembro, terá lugar no Complexo Deportivo de A Granxa o primeiro torneo de Padel de Verín. As inscricións estarán abertas ata as 20:00 horas do 19 de setembro.

Hoxe rematou o servizo da Ludoteca de verán-campamento urbano que organiza a Oficina Municipal de Información Xuvenil do Concello de Verín. Esta iniciativa, que comezou o 25 de xuño e na que participaron máis de 250 menores con idades comprendidas entre 3 e 13 anos, ten por obxecto conciliar a vida laboral e familiar dos proxenitores e cubrir o tempo vacacional dos/as menores.

O sábado 22 de setembro, ás 21:00 horas, o Auditorio Municipal de Verín acolle a representación da obra de teatro “Te he dejado un pollo en el horno”, unha comedia creada e dirixida por María casal e interpretada por Marisol Rolandi, María José del Valle e  María Casal.