Concello de Verín

Esta mañá, a concelleira de Turismo, Comercio, Balnearios e Transportes de Verín, Purificación Caldelas, e o director de Adiccag  (Asociación para a Divulgación da Cultura da Cervexa Artesá), Pablo Casanova, presentaron na casa consistorial o programa da IV Feira da Cervexa Artesá e Artesanía Medieval, organizado por Adiccag en colaboración co Concello, que se celebrará en Verín os días 21, 22 e 23 de setembro na Praza Maior verinesa.

O vindeiro xoves 6 de setembro, a directora xeral do Libro e Fomento a lectura, Dona Olvido García Valdés e o subdirector, Javier Pascual Echalecu, recibirán no Ministerio de Cultura aos nenos e nenas Voluntarios da Biblioteca do Concello de Verín, para felicitalos persoalmente pola xenerosidade, compromiso, entrega e dedicación, que levan amosando dende fai máis dunha década co seu inestimable traballo.

O valor e o aproveitamento turístico dos lagares rupestres en toda Europa será obxecto de análise e debate por expertos internacionais este sábado no Museo Claustro dos Mercedarios, en Verín. As sete da tarde, e aberta ó público, celebrarase unha mesa redonda no Salón de Actos onde se debaterá o futuro deste importante vestixio do noso pasado e recurso para o desenvolvemento turístico do futuro. 

Durante o mes de setembro, a aula Multimedia do Concello de Verín ofertará  un total de once accións formativas para os/as usuarios/as interesados en ampliar os seus coñecementos no sector da comunicación e das novas tecnoloxías. Ademais disporá dunha aula aberta para o uso libre dos usuarios da rede Cemit e a resolución de dúbidas informáticas.

O xoves 6 de setembro, ás 19:00 horas, a Biblioteca Pública Municipal de Verín acolle a presentación do libro "Destellos", da autora verinesa Ari Alonso.