Concello de Verín

Cultura no camiño aterra o vindeiro sábado 12 de maio en Verín coa representación da obra de teatro “Loló e Mamá”, espectáculo de De ste xeito Producións. Devandito evento, que terá lugar ás 20:30 horas no Auditorio Municipal da vila, é completamente de balde e está organizado pola Axencia Galega das Industrias Culturais (AGADIC), en colaboración co Concello de Verín.

A tala das árbores situadas na área recreativa de Pazos, do mesmo xeito que sucedeu noutras zonas de Verín, non se realiza de maneira aleatoria nin inxustificada, senón que responde  á necesidade de retirar exemplares enfermos, que supoñen un perigo para os cidadáns ou que se atopan situados nun lugar inapropiado para as características da súa especie. 

A partir do mes de maio, o  Concello de Verín impartirá unha serie de Obradoiros de Estimulación Cognitiva co obxectivo de estimular e manter as capacidades cognitivas das persoas maiores, enlentecendo a posible progresión dunha deterioración, así como de mellorar o rendemento funcional incrementado a autonomía persoal nas actividades da vida diaria. 

Hoxe, mércores 2 de maio, ábrese o prazo de inscrición da  Ludoteca - Campamento urbano “Támega” para o ano 2018, organizada pola Oficina Municipal de Información Xuvenil do Concello de Verín.

O vindeiro domingo 6 de maio, ás 19:00 horas o Auditorio Municipal de Verín acolle o concerto de fin de curso, de extensión universitaria da UNED, de “Iniciación á Dirección de Banda de Música”,  organizado pola  Escola Galega de Dirección de Banda (EGADIB) en Xinzo de Limia.