Concello de Verín

O Concello de Verín iniciou os trámites para solicitar a declaración da localidade como “Municipio Turístico”. Para conseguir esta declaración, un dos requisitos fundamentais é posuír as cifras totais dos turistas que visitan o municipio. Por este motivo, desde o ente municipal elaborouse unha enquisa de destino, para distribuír entre hostaleiros e restauradores, e que debe ser cuberta polos seus clientes e, posteriormente, reenviada á Oficina de Turismo -Casa do Escudo-.