Concello de Verín

A partir do próximo 15 de xuño, o Concello de Verín porá en marcha a creación do Banco Local de Aluguer Empresarial.

Esta iniciativa permitirá que os interesados en ofrecer locais teñan no Concello un servizo gratuíto para a súa divulgación; e que os demandantes, unha ampla oferta centralizada onde escoller a que mellor se adapte as súas demandas. A creación do Banco Local de Aluger Empresarial é unha iniciativa pública, que non busca subsituír, en absoluto, ás empresas do sector dedicadas ao aluguer, senón complementala coa creación dunha ampla base de datos que permita ofrecer información aos empresarios interesados en instalarse no municipio de Verín.

Na reunión do Grupo de Turismo, conformado polo Concello de Verín e os axentes socioeconómicos do sector, xurdiu a idea de desenvolver unha serie de iniciativas turísticas como son as Rutas Gastronómicas.

O Concello de Verín iniciou os trámites para solicitar a declaración da localidade como “Municipio Turístico”. Para conseguir esta declaración, un dos requisitos fundamentais é posuír as cifras totais dos turistas que visitan o municipio. Por este motivo, desde o ente municipal elaborouse unha enquisa de destino, para distribuír entre hostaleiros e restauradores, e que debe ser cuberta polos seus clientes e, posteriormente, reenviada á Oficina de Turismo -Casa do Escudo-.